ஜென் கொலை வழக்கு

5 புத்தியைக் கூர்தீட்டும் உரைகற்கள் இந்த ஜென் கதைகள்

ஜென் கதைகள் என்றாலே, பண்டைய காலத்துப் பழுப்புநிற சீன/ஜப்பானிய தேசங்கள்தான் நமக்கு நினைவில் வருகின்றன. ஆனால் ஜென் என்பது ஒரு ​உலகப்பொதுத்தத்துவம். அது கால, தேச, வர்த்தமானங்கள் கடந்தது. ​இதனடிப்படையில், பாராவின் ஜென் கதைக்கான ​களங்கள் நவீனயுக உலகியலை​யும்​, நாசகார நிகழ்வுகள்/நாசகார மனிதர்களையும் உள்ளடக்கியுள்ளது.​ நாம் வாழும் காலமும் நாம் பார்க்கும் மனிதர்களும் நாம் சந்திக்கும் நிகழ்காலச் சிக்கல்களும் கூட அவரது ஜென் கதைகளில் இடம் பெற்றுள்ளன. ​வெளிப்பார்வைக்குக் குலுங்கிக் குலுங்கிச் சிரிக்க வைத்தாலும், இந்த ஜென் கதைகள் ஆழமான அர்த்தங்கள் கொண்டவையாக, வாழ்வின் பெரும் உண்மைகளை அலசுவதாக உள்ளன. ​ஜென் என்னும் தத்துவப் பூரணத்தை, நகைச்சுவையும் உலகியலும் கலந்து பிசைந்து, சீன/ஜப்பானிய வாசனை திரவங்களைத் தெளித்த அரிசி மாவினுள் ஒளித்து செய்த மோதகமாகப் பரிமாறியுள்ளார் பாரா. -- வ. ரமணன்

Ramanan 06-09-2024 05:10 pm