ஸகாத்: கோட்பாடும் நடைமுறையும்

ஸகாத் இறைவனுக்கு மனிதன் நிறைவேற்றவேண்டிய கடமை; அதுவே சகமனிதர்களுக்கு நிறைவேற்றவேண்டிய கடமையாகவும் உள்ளது. இஸ்லாம் செல்வம் தேங்கிக்கிடப்பதை அனுமதிக்கவில்லை. இக்காலத்தில் உபரிமதிப்பை பங்கிடுவதற்கான மிகச் சிறந்த வழி ஸகாத்தை நடைமுறைப்படுத்துவதே. செல்வச்சுழற்சி ஏற்பட்டால் தான் சமூகத்தில் பலதரப்பட்ட பிரிவினரும் பலன் பெறமுடியும். வாழ்க்கை ஓட்டத்தில் தங்களின் தேவைகளை நிறைவேற்றிக் கொள்ள இயலாதவர்களை சமூகத்தின் பொறுப்பாக்கியது இஸ்லாம். அவர்களின் தேவைகள் நிறைவேற்றப்படுவதை உறுதி செய்வதோடு அவர்களுடைய கண்ணியமும் காப்பாற்றப்படவேண்டும் என வலியுறுத்துகிறது. இதை ஓர் அறநெறிப் போதனையாக மட்டுமின்றி மார்க்கக் கடமையாகவும் ஆக்கியுள்ளது.

இந்நூல் ஸகாத்தை ஒரு கடமையாக, கோட்பாடாக நம்முன் வைக்கிறது. பொருளியல் பரிமாற்றங்கள் மிகவும் விரிவடைந்துள்ள இந்நாளில் அவைகளில் எவ்வாறு ஸகாத் கணக்கிடுவது என்பதை விவாதங்களின்வழி தீர்வுகளை நம்முன் வைக்கிறது. இந்நூல் நிறுவன ரீதியில் ஸகாத்தை சேகரித்து வினியோகம் செய்வோருக்கு மிகச் சிறந்த வழிகாட்டியாகும்.