புதுச்சேரி கோட்டைகள்

புதுச்சேரியின் அடையாளங்களாக இருந்த புதுச்சேரி செயிண்ட் லூயி கோட்டை, மற்றும் அரியாங்குப்பம், கோட்டக்குப்பம், வில்லியனூர், வழுதாவூர், திருக்காஞ்சி, திருவதிகை, காரைக்கால், மற்றும் மாகியில் இருந்த கோட்டைகள் பற்றியும், அதன் வரலாறு பற்றியும் ஆய்வு செய்து அதற்கான புகைப்படங்களையும் தேடி எடுத்து நூலாக தொகுத்துள்ளார். ஒரு மிகப்பெரிய அனுபவம் கிடைக்கும். அனைவரும் வாசிக்க வேண்டிய நூல்.

சங்க இலக்கியம் தொடங்கி அரிக்கமேடு உள்ளிட்ட அற்புதமான வரலாற்றுப் பின்னணியைக் கொண்ட புதுவையின் லூயி கோட்டை, வில்லியனூர் கோட்டை, அரியாங்குப்பம் கோட்டை, காரைக்கால் கோட்டை, மாகி   கோட்டை உள்ளிட்ட பல்வேறு கோட்டைகளைப் பற்றிய வரலாறு, அமைப்பு,  பலமுறை அழிக்கப்பட்டு மீண்டும் மீண்டும் எழுப்பப்பட்ட சாதனைகளை வரலாற்றுக் குறிப்புகளுடன் படங்களுடன் விளக்கியுள்ளது நூலுக்குச் சிறப்பு சேர்க்கிறது.

மறந்துபோன மறைந்துபோன பல தடயங்களைப் பல தலைமுறைகளுக்குக் கொண்டு போய் சேர்க்கும் முயற்சியில் முழு வெற்றி பெற்றிருக்கும் நூலாசிரியர் திரு.தெ.எத்திராஜ் அவர்களுக்கு என்னுடைய பாராட்டுக்கள்.

---- கலைமாமணி, பேராசிரியர் முனைவர் எ.மு.ராஜன்.
மேனாள் முதல்வர் தாகூர் கலைக் கல்லூரி புதுச்சேரி.