நிலமெல்லாம் ரத்தம் (எழுத்து பிரசுரம்)

5 நிலமெல்லாம் ரத்தம் - ஒரு நிலப்பரப்பின் 2000 வருட ரத்த சரித்திரம் .

கிட்டத்தட்ட 700 பக்கங்கள் கொண்ட இந்த கட்டுரை தொகுப்பானது இஸ்ரேல் பாலஸ்தீன பகுதிகளில் ரத்தம் படிந்த வரலாறை சொல்லும் புத்தகம் கிட்டத்தட்ட மத்திய கிழக்கு பகுதிகளில் நடைபெறும் சம்பவங்களை வெறும் செய்தியாக கடந்து சென்றிருப்போம். ஆனால் இந்த சம்பவங்களுக்கு பின்னால் இருக்கும் சரித்திரம் என்பது அவ்வளவு நீளமானது அதோடு மட்டுமில்லாமல் கொடுமையானது கூட. உண்மையில் யூதர்கள் என்பவர்கள் யார் அரேபியர்கள் என்பவர்கள் யார் இஸ்ரேல் என்ற நாடு எப்படி உருவானது அந்த நாடு உருவாவதற்கு முன்பு அது யாருக்கு சொந்தமாக இருந்தது. ஏன் இஸ்ரேல் பாலஸ்தீனம் என்ற இருநாடுகள் உருவாகின அதற்கு காரணமாக அமைந்தது எது. சொந்த மண்ணில் அகதிகள் போல் வாழ்ந்து வரும் பாலஸ்தீனியர்களை ஏன் மற்ற அரபு தேசங்கள் உதவ முன்வருவதில்லை போன்ற கேள்விகளுக்கு பதில்களை இந்த புத்தகத்தில் காணமுடியும். இந்த புத்தகத்தை மூன்று பகுதிகளாக பிரிக்க முடியும் முதலாவது காலகட்டம் என்பது கிபி பத்தாம் நூற்றாண்டு வரை உள்ள காலகட்டம். அடுத்த காலகட்டம் என்பது பத்தாம் நூற்றாண்டு தொடங்கி இருபதாம் நூற்றாண்டு வரை உள்ள காலகட்டம். அடுத்த பகுதி தற்போது இருபதாம் நூற்றாண்டு தொடங்கி தற்போது வரை உள்ள காலகட்டம். இந்த கால கட்டங்களில் நடந்த பல்வேறு சம்பவங்களை ஆதாரங்களுடன் ஆசிரியர் முன்வைக்கிறார். குறிப்பாக இஸ்ரேல் என்ற இனத்திற்கும் அரேபியர்கள் என்ற இனத்திற்கும் எந்த இடத்திலிருந்து பிரச்சனை ஆரம்பமாகிறது என்பதில் தொடங்கி தற்போதைய நிலை என்ன அதுவரை சொல்லி இருக்கிறார் ஆசிரியர்.

BHOJAN 03-11-2021 12:54 pm