மக்கள் கலைஞன்

சுயமுன்னேற்றத் துறையின் முன்னோடிகளில் ஒருவரான லெஸ் கிப்லின், 1965 இல், அந்த ஆண்டுக்கான அமெரிக்கத் தேசிய விற்பனையாளர் விருதை வென்றவர். 1968 இல் அவர் எழுதி வெளியிட்ட ‘மக்களைக் கையாளும் திறன்’ என்ற நூல், ஒரு கோடிக்கும் அதிகமான பிரதிகள் விற்றுச் சாதனைப் படைத்தது. 1979 இல் வெளியான இப்புத்தகம் மக்களின் வேண்டுகோளுக்கு இணங்க, இப்போது திருத்தப்பட்டுப் பதிக்கப்பட்டுள்ளது. லெஸ் கிப்ளின் எண்ணற்றப் பன்னாட்டு நிறுவனங்களின் ஊழியர்களுக்கு மக்களைக் கையாளும் கலையில் பயிற்சி அளித்துள்ளார். தலைமுறைகளைக் கடந்து நிற்கின்ற லெஸ் கிப்ளினின் உத்திகள், சமூக ஊடகங்கள் கோலோச்சிக் கொண்டிருக்கின்ற இன்றைய உலகிற்கும் பொருத்தமானதாகவே விளங்குகின்றன. மக்களைக் கையாளும் கலையின் மாமன்னனான லெஸ் கிப்ளினின் அறிவுரைகளைப் பயன்படுத்தி உங்களுடைய வாழ்வில் வெற்றிகளைக் குவியுங்கள்.

தனிநபர் வளர்ச்சித் துறையின் முன்னோடிகளில் ஒருவரான லெஸ் கில்பின் 1912ல் பிறந்தவர். ராணுவத்தில் சிறிது காலம் பணியாற்றிய பிறகு, வீடுவீடாகச் சென்று பொருட்களை விற்பனை செய்யும் ஒரு விற்பனையாளராக அவர் தன் தொழில்வாழ்க்கையைத் துவக்கி அதில் வெற்றிகரமாகச் செயல்பட்டார். மனித இயல்பைக் கூர்ந்து கவனித்து அதைப் பற்றி முழுமையாகக் கற்றுக் கொள்ள இத்தொழில் அவருக்கு உதவியது. இதன் விளைவாக, அமெரிக்காவின் தலைசிறந்த விற்பனையாளர் பட்டத்தை இரண்டு முறை அவர் வென்றார். மக்களைக் கையாளும் கலையைப் பற்றியும் விற்பனைத் தொழிலில் சிறப்புறுவது எப்படி என்பது பற்றியும் அவர் பல பயிலரங்குகளை நடத்தியுள்ளார். அவர் ஒரு வெற்றிகரமான நூலாசிரியராகத் திகழ்ந்தார். அவருடைய புத்தகங்கள் பத்து லட்சத்திற்கும் அதிகமான பிரதிகள் விற்பனையாகியுள்ளன. மக்களைக் கையாளும் கலைதான் உங்கள் வாழ்வில் நீங்கள் கைவசப்படுத்த வேண்டிய இன்றியமையாத திறன் என்ற அவருடைய செய்தி, நேரடியாக அன்றி கருவிகள் வாயிலாகக் கருத்துப் பரிமாற்றங்கள் நிகழுகின்ற இன்றைய காலகட்டத்தில் ஒரு புதிய அர்த்தத்தைப் பெறுகிறது.